Yuxari tənəffüs yollarının (məsələn; soyuqdəymə, qrip) və ya asaği tənəffüs yollarının (məsələn; pnevmaniya) infeksiyalarında dərmana ehtiyac olub olmadığı infeksiyanın növündən və səbəbindən aslıdır.

 

Aztibb.az xəbər verir ki, bu barədə Suraxanı Tibb Mərkəzinin pediatrı Aysel Daşdəmirova məlumat verib. Həkim bildirib ki, bir cox tənəffüs yolu infeksiyalarına adətən viruslar səbəb olur. Qrip, bronxit, bronxiolit kimi infeksiyalar antibiotiklərlə müalicə edilmir, cünki antibiotiklər yalniz bakterial infeksiyaları müalicə edə bilər. Viral infeksiyaların müalicəsi simptomatikdir.

 

Aysel Daşdəmirova qeyd edib ki, bakteriyalar tərəfindən törədilən pnevmaniya kimi bəzi tənəffüs yollari infeksiyaları antibiotiklərlə müalicə edilməlidir. Həkim bu tip infeksiyanın olub-olmadigini və hansı antibiotikin uyğun olduğunu müəyyən etməlidir.

 

Onun sözlərinə görə, antibiotiklərin sui-istifadəsi rezistent bakteriya yaranmasına səbəb olur. Bu da antibiotiklərə davamlılıq yaradır ve gələcəkdə mualicəni çətinləşdirir.