Mərkəzi Gömrük Hospitalında Cərrahiyyə və orqan transplantasiyası şöbəsinin rəisi, cərrah-transplantoloq, t.ü.f.d., səhiyyə əlaçısı Mircəlal Kazımi və onun komandası tərəfindən transplantasiya əməliyyatı olunmuş 5 yaşlı Səlminaz Əşrəflinin palatada ad günü qeyd olunub.
Aztibb.az xəbər verir ki, Mərkəzi Gömrük Hospitalının Cərrahiyyə və orqan transplantasiyası şöbəsinin cərrah-transplantoloqları Mircəlal Kazımi, Kamran Beydullayev, həkim-rezidentləri, böyük tibb bacısı Amaliya Əliyeva, diyetoloq Məlahət Kərimova və tibb bacıları pasiyent Səlminaz Əşrəflini ad günü münasibətilə təbrik ediblər, ona rəngbərəng şarlar və ad günü tortu təqdim ediblər.
Mircəlal Kazımi balaca pasiyentin hazırda özünü yaxşı hiss eydiyini deyib : “Ümid edirik ki, Səlminazın bundan sonrakı həyatı sağlıqlı keçəcək və o, bütün arzularına qovuşacaq”.
Səlminaz Əşrəflini ad günü münasibətilə təbrik edir, ona möhkəm can sağlığı və xoşbəxtlik arzulayırıq!