Bədən temperaturu 35 dərəcədən aşağıdırsa, bu, hipotermiya adlanır. Soyuq və küləkli hava şəraiti, soyuq su, uzun müddət soyuq mühitdə qalmaq buna səbəb ola bilir.

 

Bu barədə  Aztibb.az-a məlumat verən Kliniki Tibbi Mərkəzin həkim-radioloqu Şəbnəm Topbaştekin bədən temperaturunun aşağı olmasına hansı xəstəliklərin səbəb olduğunu açıqlayıb.

 

Həkim qeyd edib ki, dəmir çatışmazlığı, qan təzyiqinin aşağı olması, xroniki xəstəliklər, diabet, immun çatışmazlığı, qalxanvarı vəz xəstəlikləri, hamiləlik zamanı hormonal dəyişikliklər, bəzi yoluxucu xəstəliklər və parazit infeksiyaları bun aid edilə bilər.

 

O, yatarkən bədən tempraturunun hansı səbəblərdən azaldığına da diqqət çəkib. Qeyd edib ki, buna səbəb bədənimizin bioloji saatıdır. Orqanizmimizin gecə saatlarında metobalizma prosesi zəiflədiyindən, buna bağlı olaraq tempraturu da azalır.

 

"Buna görə qalın geyimlərdən istifadə etməli, isti maye qəbul etməli və ya qalın örtüklə bürünmək lazımdır. Lakin tempraturun enməsinə bu üsullar faydalı deyilsə, mütləq tibb müəssisəsinə müraciət etmək lazımdır.

Hipotermiya zamanı sinir sistemi, ürək və digər orqanların normal fəaliyyət dəyişir.  Vaxtında müalicə edilməyən hipotermiya ürəyin, tənəffüs sisteminin tamamən pozulmasına, hətta ölümə səbəb ola bilər", - deyə radioloq əlavə edib.