Öskürək - ürək problemləri, ürək tutması və hətta infarkt öncəsi vəziyyətin əlaməti ola bilər.

Bu barədə Aztibb.az-a Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev məlumat verib.

Həkim bildirib ki, ürək, ağciyəri qan və oksigenlə düzgün təmin edə bilmədiyi hallarda ağciyərlərdə qaz mübadiləsi prosesi pozulur, tənəffüs səthiləşir, təngnəfəslik və quru öskürək baş verir.

O, öskürəyin ürəklə əlaqəli olduğunu ayırd etməyin yollarını açıqlayıb:

"Əvvəlcə öskürək tutmaları müəyyən hərəkət və vaxtlarda baş verir: məsələn,uzanıqlı vəziyyətdə. Daha sonra öskürək intensivləşərək, quru olur. Ağır ürək çatışmazlığında öskürək zamanı qan gələ bilər".

Cabir Gülmalıyev qeyd edib ki, öskürək daha çox anadangəlmə ürək qüsurlu uşaqlarda rast gəlinir. Ürək öskürəyi quru olur, ağciyərlərdən bəlğəm gəlmir. Xəstə dərindan nəfəs ala bilmir. Tez-tez səthi nəfəs alıb verir. Horizontal vəziyyətdə uzanmaq ona çətin olur, yarımoturaq vəziyyətdə özünü normal hiss edir. İnfarktdan bir həftə və ya bir neçə gün əvvəl daxildə bir soyuqluq, titrəmə hiss olunur