Narahatlıq pozğunluğu bizi gündəlik həyatımızda qarşılaşdığımız problemlərin öhdəsindən gəlməya hazırlayır və daha sürətli qərarlar verməyimiz üçün mühit yaradır. Anksiyete əslində beynimizin stressə cavab vermə və bizi qarşımızdakı potensial təhlükələr barədə xəbərdar etmə üsuludur.

 

Aztibb.az xəbər verir ki, bu barədə Goranboy Rayon Mərkəzi Xəstəxanasının psixoloqu Aygün Qurbanova təşviş pozuntusu haqqında danışarkən məlumat verib.

Həkim qeyd edib ki, cəmiyyətin təxminən 18%-i anksiyete pozğunluğundan əziyyət çəkir və problemin artması ilə xəstəlik səviyyəsinə qədər irəliləyə bilər. Narahat olan insan hər zaman ən pis ssesanri haqqında düşünür və bu düşüncələr onların nəzarətindən kənarda qalır. Narahatlıq pozğunluğunun əlamətləri nəfəs darlığı, ağız quruluğu, gərginlik, narahatçılıq, çaxnaşma hissi, həddən artıq tərləmə, əllərin titrəməsi, diqqət və konsantrasya problemləri, narahatçılğa səbəb olan təsirlərdən qaçınma vəziyyəti, həzm problemləri, yuxu pozğunluğudur.

 

Onun sözlərinə görə, narahatlıq pozğunluqlarının səbəbləri aydın şəkildə başa düşülmür. Ancaq travmatik hadisələr, müxtəlif təcrübələr, sağlamlıq problemləri, irsi faktorlar kimi əlamətlərin bu pozuntunu dəstəklədiyi görülür. Anksiyete pozğunluqları genetik səbəblərə görə də baş verə bilər. Beynimizin qorxu və duyğuları idarə edən hissələrinin səhv əlaqəsi narahatlıq pozğunluğuna səbəb ola bilər.

 

Aygün Qurbanova bildirib ki, anksiyete pozğunluğunun simptomlarını azaltmaq və narahatçılğı idarə etmək üçün bir çox müalicə alternativi mövcuddur. Ancaq ən çox yayılmış iki müalicə psixoterapiya və dərman müalicəsidir. Hansı müalicə metoduna daha yaxşı cavab verəcəyiniz sınaq yolu ilə müəyyən edilə bilər.