Uqandanın paytaxtı Kampaladakı Beynəlxalq Doğum və Ginekologiya Xəstəxanası sosial media hesabından verdiyi açıqlamada 70 yaşlı Safina Namukvayanın biri oğlan, biri qız olmaqla əkiz uşaq dünyaya gətirdiyini açıqlayıb.

Aztibb.az-ın medimagazin.com.tr-yə istinadla məlumatına görə, açıqlamada doğumun təkcə tibbi uğur olmadığı, həm də insan təbiətinin gücünü və möhkəmliyini ortaya qoyduğu ifadə edilib.

Afrikanın "ən yaşlı doğum edən qadın" olduğu təxmin edilən Namukvayanın bir müddətdir müalicə aldığı və qadının süni mayalanma ilə ilk dəfə ana olduğu bildirilib.

Açıqlamada ananın və körpələrinin səhhətinin yaxşı olduğu qeyd edilib.