Malayziyadan olan on iki yaşlı qız nadir xəstəlik - lipomatoz makrodistrofiya səbəbindən ayaqqabı geyə və ya normal yeriyə bilmir.

Aztibb.az xəbər verir ki, bu barədə Britaniyanın “Daily Mirror” qəzeti yazıb.

Qız gigantizmin bir növü olan nadir xəstəliklə doğulub. Hipofiz vəzinin böyümə hormonunun anormal istehsalı nəticəsində qızın iki barmağının ölçüləri nəhəng olub və bu, onun normal yeriməyə və ya standart uşaq ayaqqabısı geyinməsinə mane olub.

Həkimlər nadir diaqnozu doğuşdan qısa müddət sonra qoyublar.

Qızın valideynləri əvvəlcə buna çox əhəmiyyət verməyiblər və yalnız 12 il sonra, nəhəng barmaqları qızın normal hərəkət etməsinə və ayaqqabı geyməsinə mane olmağa başlayanda tibbi yardım axtarmaq qərarına gəliblər.

Nəticədə qızın yenidən normal yeriyə bilməsi üçün həkimlər barmaqları bərpa etmək üçün əməliyyat keçirməli olublar. Reabilitasiya müddəti başa çatdıqdan sonra malayziyalı yenidən normal ölçülü ayaqqabı geyinə biləcək.