Əhalinin tibbi xidmətlərə əlçatanlığının artırılması məqsədilə Yardımlının Təşkən və Səpəradi kəndlərində səyyar tibbi muayinə qəbulu keçirilib.

 

Yardımlı RMX-dan Aztibb.az-a verilən məlumata görə, qəbulda terapevt, cərrah və pediatr iştirak edərək kənd sakinlərini müayinə edib, onların sağlamlıq vəziyyətini qiymətləndiriblər.

 

Müayinələr zamanı vətəndaşların müraciətləri dinlənilib, onları narahat edən sağlamlıq problemləri ilə bağlı tibbi məsləhətlər verilib, zərurət yarandıqda əlavə müayinə və müalicə üçün müvafiq tibb müəssisələrinə yönləndirmələr aparılıb.

 

Səyyar tibbi muayinə sakinləri tərəfindən maraqla qarşılanıb və onların tibbi xidmətlərdən daha rahat şəkildə yararlanmasına şərait yaradıb. Bu cür tədbirlərin gələcəkdə də davam etdirilməsi nəzərdə tutulur.