Mütəxəssisin sözlərinə görə, pasiyentdə travmadan sonra sümük toxumasında yaranmış patoloji dəyişikliklər nəticəsində sümük kistası formalaşıb. Aparılan klinik və radioloji müayinələr zamanı bud sümüyünün proksimal hissəsində sümük strukturunu zəiflədən patoloji törəmə aşkarlanıb.

 

Cərrahi müdaxilə zamanı kista tam şəkildə kürete edilərək (təmizlənərək) xaric olunub, yaranmış sümük defekti isə sümük qrefti ilə bərpa edilib. Əməliyyatın əsas məqsədi sümüyün anatomik bütövlüyünü bərpa etmək və gələcəkdə yarana biləcək patoloji sınıq riskinin qarşısını almaq olub.

 

Əməliyyat zamanı götürülən patoloji material histoloji müayinəyə göndərilib. Müayinənin nəticələrinə əsasən sonrakı müalicə taktikası müəyyən ediləcək. İlkin ehtimallara görə, törəmənin xoşxassəli olduğu düşünülür.

 

Assistent Aslan Məmmədov qeyd edib ki, əməliyyatdan sonrakı mərhələdə sümük toxumasının bərpası tamamlandıqdan sonra pasiyent aktiv fizioterapiya və reabilitasiya proqramına cəlb olunacaq. Reabilitasiya prosesi ətrafın funksional hərəkət qabiliyyətinin bərpası, əzələ gücünün artırılması və normal yeriş funksiyasının yenidən formalaşdırılması baxımından mühüm əhəmiyyət daşıyır.