Gecə ürək döyüntüsünün artması ritm pozğunluğu deyil və adətən zərərsizdir.

Bu barədə Aztibb.az-a Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev məlumat verib.

Həkimin sözlərinə görə, yan üstə yatmaq (bədəninizin əyilməsindən yaranan təzyiq), spirt, kofein, nikotin qəbulu, gün ərzində yaşanan stres və ya hormonal dəyişikliklər yatarkən ürək döyüntüsünü sürətləndirə bilər.

"Lakin gecə yatarkən anidən ürək döyüntüsü ilə oyanırsınızsa, mütləq ağlımıza ritm pozğunluğu gəlməlidir və ən qısa müddətdə müayinədən keçmək lazımdır.

Əgər yuxudan oyandıqdan sonra ürək ritminin sürətlənməsini hiss edirsinizsə, çox güman ki, sizdə panik atak var", - deyə G.Gülmalıyev bildirib.