Başlanğıcda bu xəstəlik diqqət çəkmir.

Aztibb.az “Lifehacker” portalına istinadən xəbər verir ki, hepatit, virusların səbəb ola biləcəyi qaraciyərin iltihabıdır. Beş növü var: A, B, C, D və E. Onlar ötürülmə üsulları, xəstəliyin şiddəti və qarşısının alınması üsulları ilə fərqlənirlər.

Ən təhlükəli olan B və C-dir. Onlar ən çox xroniki xəstəliyə və ciddi nəticələrə - sirroz və qaraciyər xərçənginə səbəb olur.

ÜST-nin hesablamalarına görə, dünyada demək olar ki, 300 milyon insan xroniki hepatit B-dən əziyyət çəkir və yalnız 10,5% onların vəziyyətindən xəbərdardır.

Yoluxma necə baş verir?

Virus bioloji mayelər - qan, tüpürcək, sperma, vaginal ifrazat vasitəsilə ötürülür. İnfeksiyanın bir neçə əsas yolu var. Yoluxmuş şəxslə qorunmayan cinsi əlaqə, İnyeksiya zamanı iynələri paylaşmaq və s. Məsələn, insan qanı ilə təmasda olan tibb işçilərinin yoluxma riski artır.

Anadan uşağa yoluxma isə xüsusilə təhlükəlidir, çünki xroniki hepatit B körpəlikdə və erkən uşaqlıqda 95% hallarda, böyüklərdə isə yalnız 5% inkişaf edir.

Hepatit B necə müalicə olunur?

Həkimlərin nə edəcəyi xəstənin nə vaxt xəstələnməsindən asılıdır. Əgər şəxs bu yaxınlarda yoluxduğundan və hepatit B-yə qarşı peyvənd olunmadığından şübhələnirsə, ona immunoqlobulin, yəni orqanizmin viruslara qarşı müqavimətini artıran dərman vurulur.

Xroniki infeksiya zamanı isə əksər insanlar ömürlük müalicəyə ehtiyac duyurlar. Müalicə qaraciyərin ağırlaşmaları riskini azaltmağa və infeksiyanın başqalarına keçməsinin qarşısını almağa yönəldilir.

Həkiminiz antiviral dərmanlar və ya interferon iynələri və s.təyin edə bilər. Ağır hallarda xəstəyə qaraciyər transplantasiyası lazımdır.