Səhiyyə Nazirliyinin nümayəndələri Özbəkistan Respublikası Prezidentinin Administrasiyası və BMT-nin Narkotiklər və Cinayətkarlıq üzrə İdarəsinin təşkilatçılığı ilə keçirilən “İctimai sağlamlıq və təhlükəsizlik üçün transmilli narkotik təhdidlərinə qarşı mübarizə” mövzusunda beynəlxalq forumda iştirak ediblər.

 

 

Bu barədə Aztibb.az-a Nazirlikdən məlumat verilib.

 

Qeyd olunub ki, forumda Səhiyyə Nazirliyini Bakı Şəhəri Narkoloji Mərkəzinin direktoru Qalib Məmmədov, Respublika Narkoloji Mərkəzinin I şöbəsinin həkim-narkoloqu, Elçin Abuşov və nazirliyin Beynəlxalq əməkdaşlıq şöbəsinin sektor müdiri Əli Həziyev təmsil ediblər.

 

Forum çərçivəsində keçirilən “Səhiyyə, müalicə və reabilitasiya” sessiyasında çıxış edən Q. Məmmədov ölkədə narkomaniya ilə mübarizə sahəsində həyata keçirilən tədbirlər, müalicə və reabilitasiya xidmətlərinin strukturu, eləcə də qanunsuz psixotrop maddələrdən istifadə edən şəxslərlə bağlı statistik göstəriciləri diqqətə çatdırılıb.

 

Forum çərçivəsində nazirlik nümayəndələri tərəfindən Özbəkistan, Qazaxıstan, Tacikistan, Belarus və digər ölkələrin müvafiq səhiyyə müəssisələrinin, o cümlədən müvafiq beynəlxalq təşkilatların təmsilçiləri ilə görüşlər keçirilib, mümkün əməkdaşlıq perspektivləri barədə fikir mübadiləsi aparılıb.

 

Azərbaycan nümayəndə heyəti həmçinin, narkotik və təhlükəli malların qanunsuz dövriyyəsinə qarşı mübarizə sahəsində istifadə olunan qabaqcıl rəqəmsal həllər, texniki vasitələr və ixtisaslaşdırılmış avadanlıqların nümayiş olunduğu “Narkotik vasitələrə nəzarət sahəsində innovasiyalar” adlı sərgiyə qatılıb.