Uzun müddət idi ki, xroniki qaraciyər çatışmazlığından əziyyət çəkən xəstədə sirrozun gətirdiyi ağırlaşmalar idarə olunmaz hala gəldiyi üçün tək çıxış yolu qaraciyər transplantasiyası oldu.  Ad günündə qızının bağışladığı qaraciyərin sağ payı ilə yenidən sağlam həyata bağlanan xəstəmizin əməliyyatından az bir vaxt keçməsinə baxmayaraq bütün nəticələrinin normal olduğu görüldü.

 

Aztibb.az xəbər verir ki, bu barədə Mərkəzi Klinikanın ümumi cərrahı, transplantoloq Tariyel Nadirov sosial şəbəkədə məlumat paylaşıb.

Tariyel Nadirov qeyd edib ki, ad günündə qızının bağışladığı hədiyyənin onun üçün unudulmaz olduğunu bildirən xəstə hazırda özünü normal hiss etdiyi üçün xəstəxana rəhbərliyinə, həkimlərə və qızına təşəkkür edib:

"Bu dəfə orqan nəqlinin möcüzə olduğunu xəstəmiz və donoru bizə bildirdi. Hər zaman olduğu kimi, bu əməliyyatları həyata keçirməyimizdə əziyyəti olan bütün personala öz təşəkkürümü bildirirəm".