Həkim bildirib ki, insult xəstələrinə evdə qulluq kompleks və diqqətli yanaşma tələb edir.

 

Onun sözlərinə görə, xəstənin dərmanları həkim təyinatına uyğun vaxtında verilməlidir. Təzyiq, nəbz və şəkər səviyyəsi mütəmadi nəzarətdə saxlanmalıdır. Bundan başqa, yataq yaralarının qarşısını almaq üçün xəstənin mövqeyi tez-tez dəyişdirilməli, reabilitasiya hərəkətləri (masaj, yüngül gimnastika) davam etdirilməlidir.

 

Ədibə Kazımova qeyd edib ki, insult xəstələrinin qidalanması balanslı və udma çətinliyi nəzərə alınaraq təşkil olunmalıdır. Həmçinin gigiyena və psixoloji dəstək təmin edilməlidir.