Pandemiya dövründə gün ərzində 6-7 dəfə su içmək immunitetə müsbət təsir edir
22.07.2020 10:09

Tərləyərkən bədəndəki su nisbəti 1 faiz azalır və nəticədə susuzluq əmələ gəlir. Bu zaman boğaz quruyur və su içmək istəyi yaranır. Orqanizmin gündəlik su tələbatı çəkiyə uyğun olaraq hesablanır. Belə ki, gün ərzində hər kiloqram çəkiyə 30 millilitr su qəbul edilməlidir. Onun miqdarı ilin fəsillərinə və qidaya görə dəyişə bilər.

 

Tədqiqatlara görə, orqanizmin 70, qanın 90 faizini su təşkil edir. Sudan az istifadə edilməsi ciddi sağlamlıq problemlərinə səbəb olur. Pandemiya dövründə gündə 6-7 dəfə su içmək immunitetə müsbət təsir edir.

 

Aztibb.az xəbər verir ki, həkim-fitoterapevt Elnur Eldaroğlunun bildirdiyinə görə, orqanizmdə gedən gündəlik metobolik proseslər nəticəsində qalıq məhsullar, yəni toksinlər yalnız su vasitəsilə xaric olunur. Metobolik proseslər maye mühitdə faydalı maddələrin hüceyrəyə daxil olması və ziyanlı maddələrin xaric edilməsinə xidmət edir.

 

Su təkcə daxili deyil, zahiri gözəllikdə də mühüm əhəmiyyət kəsb edir. Gün ərzində vaxtlı-vaxtında su qəbul edilməsi dərinin daha parlaq və təravətli olması üçün vacibdir.

 

Həkim-fitoterapevt deyib: “Su dəriyə nəmlik və elastiklik verir, kollagen sintezini aktivləşdirir. Suyu az qəbul edənlərdə dəri xəstəliklərinin əmələgəlmə riski çox olur və onlarda allergik və qabıqlanma ilə gedən dəri xəstəlikləri müşahidə edilir. Qəbul edilən suyun çox hissəsi günün birinci yarısında yeməkdən yarım saat əvvəl içilməlidir. Ürək-damar xəstələri, hipertoniya, qalxanvari vəz və böyrək çatışmazlığı olanlar ödemlərə meyilli olurlar və ona görə onlar qəbul etdikləri suyun miqdarını nəzərə almalıdırlar”.

 

Lakin suyu çox soyuq içmək olmaz. Soyuq su ağız boşluğunun selikli qişasına mənfi təsir göstərir. Eyni zamanda, həzm sisteminin funksiyası da pozulur, xüsusilə də yemək zamanı soyuq su içmək zərərlidir. Mütəxəssisin bildirdiyinə görə, yemək zamanı soyuq su içmək mədədə olan qidanın sürətlə qovulmasına və aclıq hissinin daha tez yaranmasına səbəb olur. Təbii ki, bu da öz növbəsində, piylənməyə aparıb çıxarır.

 

Suyun çox soyuq içilməsi ürək-damar sistemində də ciddi problemlər yaradır, həmçinin başağrısı, miqreni olanlar üçün də zərərlidir: “Otaq temperaturunda olan suyun içilməsi daha məqsədəuyğundur. İsinmiş orqanizm ona uyğun temperaturda su qəbul etməlidir. Dişlərin sağlamlığını qorumaq üçün də soyuq su içməmək lazımdır, çünki bu zaman diş emalı zədələnir və karies yaranır”, - deyə həkim-fitoterapevt bildirib.

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Sürətli döyüntünün tək səbəbi ürək deyil!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb
Qastroezofageal reflüks xəstəliyindən əziyyət çəkən pasiyent Diaqnoz Tibb Mərkəzində sağlamlığına qovuşub
Naftalan Şəhər Mərkəzi Xəstəxanasının nevroloqu Təranə Bayramova - Həkimlərimizi tanıyaq!