Həkimin sözlərinə görə, kron və ulserativ kolit bağırsağın iltihabi xəstəlikləridir. Genetik meyilliyi olan insanlarda müxtəlif səbəblərdən (ekologiya, əsəb, stress, qeyri-düzgün qidalanma və həyat tərzi, disbioz) immun sistemdə pozulmalar baş verir, nəticədə mədə-bağırsaq traktının müxtəlif şöbələrində sonlanmayan iltihabi proseslər gedir, bağırsaq divarında get-gedə dərinləşən, hətta bağırsağın deşilməsinə səbəb olan yaralar yaranır.

 

"Bu xəstəliyin inkişafına ən çox səbəb olan amillərdən biri disbioz və dəlikli bağırsaq sindromudur", - deyən Rəfael Həsənov kron xəstəliyinin bütün mədə-bağırsaq traktını, ulserativ kolitin isə yoğun bağırsağı zədələyini diqqətə çatdırıb.