Fransalı tədqiqatçılar üzüm bağlarının yaxınlığında yaşayan uşaqların leykemiyaya tutulma riskinin artdığını aşkar ediblər.

Aztibb.az-ın medimagazin.com.tr-yə istinadla məlumatına görə, Milli Sağlamlıq İnstitutu və Paris Şəhər Universitetinin bir qrup mütəxəssisi tərəfindən bu istiqamətdə araşdırma aparılıb. Araşdırmaya görə, evlərindən 1 km məsafədə böyük üzüm bağlarına sahib olan gənclərin qan xərçəngi riskinin artdığı açıqlanıb.

Tədqiqat Bordo istisna olmaqla, əsas şərab istehsal edən bölgələrdə riskin artdığını göstərib. Riskin üzüm bağları üçün istifadə edilən pestisidlərdə olduğunu ifadə edən mütəxəssislər, sözügedən kimyəvi maddələrin növlərini araşdırmayıb. Fransada əkinlərə ağır pestisidlərdən istifadənin insan sağlamlığına təsiri barədə ictimaiyyətin məlumatlandırması gözlənilir.

Üzüm bağları ilə evlər arasında 150 metrlik məsafənin saxlanmasına çağırış edən fransız kampaniyaçılar qlifosatın, eləcə də üzüm bağlarında istifadə olunan iki dərmanın – folpet və spiroksaminnin üzüm bağlarının ətrafındakı ərazilərdə insan sağlamlığına zərər verdiyini bildirirlər.

Tədqiqatçılar 2006-2013-cü illərdə üzüm bağlarının yaxınlığında yaşayan və leykemiyadan əziyyət çəkən 15 yaşından kiçik 3711 uşağın məlumatlarını hesablayıblar. Həmçinin xəstəlikdən əziyyət çəkməyən və üzüm bağlarının yaxınlığında yaşayan 40 196 uşağın məlumatlarə araşdırılıb.

1 kilometrlik ərazidə üzüm bağlarının aşağı səviyyədə olduğu ərazilərdə əlavə leykemiya halları müşahidə olunmayıb, lakin ərazi daxilində üzüm bağlarının hər 10 faiz artımına görə xəstəliyə yoluxma hallarında 8 faizə qədər artım aşkar edilib.