Mersin, Adıyaman və Adanada çalışan 3 həkim eyni gündə intihar edib.

Aztibb.az Türkiyə mediasına istinadən xəbər verir ki, ötən gün üç həkim həyatına son qoyub.

Qeyd edilir ki, səhiyyədə bəzi məsələlərlə bağlı yaranan çətinliklər, səhiyyə işçilərinin və xüsusən də həkimlərin sistematik dəyərdən düşməsi bir çox digər yığılmış problemlərlə birlikdə psixoloji böhrana gətirib çıxarır ki, bu da həkimlərin ciddi etirazları ilə nəticələnir.

Üç gənc həkimin bir gündə həyatına son qoyması Türkiyədə son illərdə tez-tez qarşılaşılan həkim intiharının növbətisi olub.

Vəziyyətlə görə etiraz edənlər səhiyyə nazirinə həkimlərin intiharlarına göz yummamaqla bağlı səsləniblər.

Türk Təbiblər Birliyi bununla bağlı Twitter paylaşımında iqtisadi böhran, etibarsızlıq, gərgin və təhlükəli iş şəraiti, səhiyyə sahəsində inzibati təzyiq və zorakılığa diqqət çəkib.