Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev Aztibb.az-a bildirib ki, bu xəstəliyə erkən dövrdə diaqnoz qoyulub müalicə olunmazsa, infarkt və buna görə də ölümlə nəticələnə bilər. Bu səbəbdən diabet, hipertoniya və yüksək xolesterin kimi koronar arteriya xəstəliyi riskini artıran xəstəlikləri olan insanların da mütəmadi olaraq müayinədən keçmələri lazımdır.

 

Uzman həkimin sözlərinə görə, yaşlanma, siqaret, diabet, piylənmə, yüksək təzyiq, yüksək xolesterin, stresli həyat, qeyri-sağlam qidalanma, fiziki hərəkətsizlik koronar damar xəstəliyi riskini artırır. Bu amillərin bir neçəsi birlikdə mövcud olduqda, risk daha da artır.