Ötən həftə Harvardda qeyri-standart elmi araşdırmalara görə verilən İqnobel (İg Nobel) mükafatının 33-cü illik mərasimi baş tutub. Mükafat ölülərin burun dəliklərinin tədqiqi və ölü hörümçəklərin reanimasiyası da daxil olmaqla on nominasiya üzrə təqdim edilib.
Aztibb.az bu barədə “İnterfaks”a istinadən xəbər verir.
Kateqoriyalardan biri “maşınqayırma” olub. Bu dəfə mükafat ölü hörümçəkləri tutmaq və renaimasiya etmək üçün hazırlanan mexaniki vasitəyə görə verilib.
Mərasim internetdə də yayımlanıb. Mükafat alanlardan əvvəlcə araşdırma barədə 24 saniyə danışmaq, sonra isə tədqiqatı yeddi sözlə ifadə etmək istənilib. Salamlama nitqi adətən 60 saniyə ilə məhdudlaşıb.
Qeyd edək ki, həqiqi Nobel mükafatlarının verilməsindən bir həftə qabaq ənənəvi olaraq lazımsız, faydasız kəşflərə yumoristik, satirik İqnobel mükafatları verilir.
