Ürəyin ən geniş yayılan müayinə metodlarından biri də Exokardioqrafiya (EXO) müayinəsidir. Ürəyin ultrasəs müayinəsinin səs dalğaları ilə görüntüsünü yaradır.

 

Aztibb.az xəbər verir ki, Mingəçevir Şəhər Mərkəzi Xəstəxanasının həkim-kardioloqu Firdovsi Məmmədov bildirib ki, EXO ürək kameraları, ürəyin yığılıb-açılması, ürək divarı, ürəkdə olan qüsurlar barədə məlumat verir.

 

Onun sözlərinə görə, EXO invaziv olmayan bir metoddur və bu dalğaların insana heç bir ziyanı yoxdur. EXO vasitəsilə ürəyin hərəkətli görüntüsü əldə edilir.

 

Kardioloq qeyd edib ki, süni ürək qapaqlarının kontrolu zamanı, eləcə də transtorakal EXO yetərsiz olduğunda və ürək daxili trombların diaqnostikasında Transezofagial exokardioqrafiya tətbiq edilir. Bu,müayinə metodu tez, əlçatan, qeyri-invazivdir, alınan məlumat isə həm mövcud xəstəliklərin müalicəsi, həm də profilaktika baxımından dəyərlidir.