"İqlim dəyişikliyi ilə bağlı məqaləmi dərc etmək üçün bütün həqiqəti bir kənara buraxdım"

Patrik T.Braun özünün məqaləsi haqqında belə deyib. O, daha əvvəl “Nature” jurnalında iqlim dəyişikliyi ilə bağlı araşdırma dərc edib. Amma indi etiraf etdiyi kimi, oxucularını və həmkarlarını bilərəkdən çaşdırıb.

Aztibb.az xəbər verir ki, “The Free Press” xəbər saytında bununla bağlı yazı dərc olunub. Alim iddia edib ki, aparıcı elmi nəşrlərin redaktorları bir sıra elmi araşdırmalara, o cümlədən qlobal istiləşmə ilə bağlı mövzulara qərəzli yanaşırlar.

İqlimin istiləşməsinin yanğınların artmasına təsirindən danışan ekspert yanğınlar üçün risk faktoru olan digər amilləri də nəzərə almaqdan qəsdən uzaqlaşıb. Məsələn, əkinçilik texnologiyalarının özəllikləri, ayrı-ayrı şəxslərin səhlənkarlığı, ətraf mühitin çirklənməsi, təxribatlar və s.

Həmkarları və oxucuları şərhlərdə alimin davranışının qeyri-etik olduğunu bildiriblər. Bundan əlavə, iqlim mövzusu artıq çox köhnəlib, insanlar onsuz da ekspertlərin rəylərinə əsasən etibar etmirlər.

İctimaiyyətin diqqətini cəlb etmək məqsədilə yol verilən belə qəsdən təhriflər bütün planet üçün həqiqətən vacib olan bir məsələnin qavranılmasına çətinlik yaradır.