BURSA-da otolarinqoloq (KBB) işləyən 68 yaşlı Hüsamettin Olgun 40 il ərzində bəstə, şeir və roman olmaqla 370 əsər yazıb. Onun xarici dilə tərcümə olunmuş şeirlərindən biri UNESCO tərəfindən qəbul edilib.
Aztibb.az-ın medimagazin.com.tr-yə istinadla xəbərinə görə, Hüsamettin Olgün 1978-ci ildə Atatürk Universitetinin Tibb fakültəsini bitirib. Kiçik yaşlarından incəsənətə, poeziyaya maraq göstərən Olgun boş vaxtlarında şeir, roman, poema kimi ədəbi əsərlər yazırb. Türkiyəli sənətçi Melihat Gülsəs "Hüznü hikayesi" albomunda Olgunun 16 əsərini səsləndirib.
Hüsamettin Olgunun indiyə qədər 5 şeir kitabı işıq üzü görüb. Onun “Sülh” şeiri 40 xarici dilə tərcümə olunub. Layihə olaraq UNESCO-ya təqdim edilən "Sülh" şeiri bu qurum tərəfindən qəbul edilib.