Diabet xəstəliyi özünü üç əsas göstərici ilə büruzə verir. Bunlar normadan çox yemək və doymamaq hissi, tez-tez sidiyə çıxmaq, ağızda quruluq və buna bağlı olaraq həddindən artıq su içmə istəyidir.

Bu barədə Aztibb.az-a TƏBİB-in tabeliyində fəaliyyət göstərən Xətai Tibb Mərkəzinin uzman terapevti Çinarə Səfərova bildirib.

Həkim əlavə edib ki, xəstəliyin başqa simptomları da var. Halsızlıq və yorğunluq hissi, sürətli çəki itkisi, bulanıq görmə, ayaqlarda uyuşma, yraların daha gec sağalması, dəridə quruluq və ağızdan asetonabənzər qoxunun gəlməsi də diabet xəstəliyinin əlamətləri sayıla bilər.

Çinarə Səfərova bu əlamətləri özünüzdə gördükdə həkimə getməyi məsləhət bilib.