Tibial sinirin kompressiyaya bağlı funksional məhdudluğu ilə daralma sindromudur.

 

Aztibb.az xəbər verir ki, Xətai Tibb Mərkəzinin həkim-nevroloqu Türkan Qurbanlı bunun posterior ve ya medial Tarsal tunel sindromu da adlandırıldığını bildirib. Qeyd edib ki, Tarsal tunel sindromu əsasən üst ayaq biləyi oynağındakı travmatik zədələrdən sonra ortaya çıxır. Məsələn, ayaq biləyi sınığı. Sinirin yolundakı təzyiqin artması (ödem, yalnış pozisiya, yalnış yüklənmə) ayağın bükücü əzələ vətəri altındakı sinirin sıxışmasına gətirib çıxarır.

 

Tarsal tunel sindromunun simptomlarından bəhs edən T.Qurbanlı əlavə edib ki, ayağın medial (daxili) kənarında və ayaq altında ağrılar, hissiyyat pozğunluğu (paresteziya) yaranır. Kompressiya vəziyyətində ayağaltı əzələlərdə parez də meydana gələ bilər. Bu hal uzun müddət davam edərsə ayaqaltı əzələlərdə atrofiya yaranır.

 

Həkimin sözlərinə görə, ENMQ (Elektro neyromioqrafiya) müayinəsində kompressiyaya bağlı olaraq uyarım paternləri aşkara çıxır və sinir keçiriciliyinin sürəti azalır.