Hamiləlik zamanı yaxşı tarazlaşdırılmış qidalanma sizə və sizin körpənizə xeyir gətirəcək. Sağlam qidalanma bətninizdəki uşağın inkişafına kömək etməklə yanaşı, həm də ürək bulanması, mədə qıcqırması, zəiflik və baş gicəllənmə kimi hamiləliklə bağlı narahatlıqlarınızı yüngülləşdirə bilər. Qida ehtiyaclarınıza mərhələ-mərhələ diqqət yetirin.

 

Aztibb.az xəbər verir ki, bu barədə Mingəçevir Şəhər Mərkəzi Xəstəxanasının həkim-mama-ginekoloqu VÜsalə Rüstəmova bildirib.

Həkimin sözlərinə görə, körpənizin qida ehtiyacları artdığı üçün siz çoxlu zülal, fol turşusu, kalsium, dəmir və vitaminlərlə zəngin olan qidalara ehtiyac duyacaqsınız. Rasionuzun uyğun genişlənməsi, ətin və tərəvəzlərin düzgün porsiyası ananın və uşağın çəkisinin və ölçüsünün həddən çox olmasının, hestasiya dövrünün pozulmasının (qeyri normal, ləng və ya çətin doğuş) qarşısını ala bilər:

 

"Yadda saxlayın ki, hər ananın və körpənin qida ehtiyacları müxtəlif ola bilər, belə ki, sizin və uşağınızın sağlam inkişafına əmin olmaq üçün müntəzəm prenatal yoxlamalardan keçmək zəruridir".