Yaşla baglı makula degenerasiyası (sarı nöqtə xəstəliyi) sarı nöqtədə baş verən və nəticədə görmə keyfiyyətini aşagı salan xəstəlikdir.

 

Aztibb.az xəbər verir ki, Sumqayıt Tibb Mərkəzinin 1 nömrəli Şəhər Xəstəxanasının Poliklinika şöbəsinin oftalmoloqu Kəmalə Abasova bildirib ki, xəstələrin 90 %-ində quru tip, 10%-ində yaş tip rast gəlinir. Yaş artması ilə xəstəliyin rastgəlmə tezliyi də artır ki, bununla baglı olaraq yaş makula degenerasiyası adlandırılır: "65 yaşadək 2%, 65-75 yaş arası 10%, 75 yaş-dan yuxarı 30% rast gəlinir. Quru tipdə xəstəlik ləng irəliləyir, yaş tip isə sürətlə irəliləyir və korluqla nəticələnə bilər. Həkim tərəfindən ilkin olaraq Amsler testi, OCT müayinə nəticəsində diaqnoz dəqiqləşdirilə bilər.

 

Oftalmoloqun sözlərinə görə, ev şəraitində hər bir xəstə özünü test edə bilər: "Damalı dəftərin ortasına qələmlə nöqtə qoymaq, tək gözü əl ilə baglamaq və damalı dəftərin ortasına baxmaqla testin həyata keçirilməsi mümkündür.

Xəstəliyin əlamətləri düz xətləri əyilmiş görmək, mərkəzi görmənin itirilməsi, mərkəzdə boz sahəni, ləkəni görmək, rənglərin solgun görülməsi, cizgiləri seçməkdə çətinliklə müşahidə olunur.

Risk qrupunda olan şəxslər irsi faktor, yüksək xolesterol, siqaret, yaş faktorudur".

 

K.Abasova qeyd edib ki, xəstəliyin konkret müalicəsi yoxdur. Profilaktik olaraq gün eynəyindən istifadə etmək, vitamin və mikroelementlərin istifadəsi tövsiyə olunur.