MRT – Maqnit Rezonans Tomoqrafiya insanların daxili quruluşuna baxmaq üçün daha çox tibbdə istifadə edilən, maqnetiq dalğa ilə çalşan bir üsuldur.
Aztibb.az xəbər verir ki, MRT orqanizmin müxtəlif bölgələri üçün müxtəlif məqsədlərlə tətbiq oluna bilər. Miqren, baş ağrılarında, nevroloji xəstəliklərdə, beyin şişindən şübhələnilən xəstələrdə, göz, qulaq, çənə oynağı problemi olan xəstələrdə, onurğa problemi, disk oynamaları və disk yırtıqlarında, bel, diz kimi oynaqlar və bağların qiymətləndirilməsində, idman yaralanmalarında, ürək xəstəliklərində, döş və qarın daxili orqan xəstəliklərində MRT aparıla bilər.
MRT təhlükəsiz və ağrısız müayinədir. İnsan orqanizmi üçün tamamilə zərərsizdir.
Qeyd edək ki, MRT icbari tibbi sığortanın Xidmətlər Zərfi çərçivəsində ödənişsiz həyata keçirilir.