Ümumdünya Səhiyyə Təşkilatının (ÜST) Xərçəng Araşdırma Agentliyi son illərdə daha çox istifadə olunan, dietik qidalara, xüsusilə dietik içkilərə qatılan dadlandırıcılardan ən əsası olan aspartam barədə məlumat yayıb.

Aztibb.az xəbər verir ki, bu barədə həkim-endokrinoloq Fərhad Burzu bildirib ki, agentliyin 25 ekspertdən ibarət qrupunun yaydığı məlumatdan əsas çıxarılmış nəticələrə əsasən, aspartamın hepatosellülar karsinoma törətmə qabiliyyəti vardır (qaraciyərin bəd xassəli şişi). Bundan başqa, heyvanlar üzərində araşdırma kifayət qədər olmasa da hazırki araşdırmalar aspartamı tövsiyyə etmir.

Onun sözlərinə görə, gündəlik aspartam dozası 40 mq/kq-dır. Sutkalıq dadlandırıcılı içkinin miqdarı 70 kq olan bir insan üçün 270-420 ml-i keçməməlidir. Çəkisi 20 kq və ətrafında olan uşaqlarda aspartamın sutkalıq maksimal miqdarı 800 mq-dır. Uşaqların sutkalıq qəbul edəcəyi həcmi 90 ml-dən artıq olmamalıdır.

F.Burzu bildirib ki, aspartam zərərərlidir deyə şəkərli içkiləri qəbul etmək də doğru qərar deyildir:

"ÜST-nin xərçəng araşdırma agentliyinin qərarını FDA hələlik yetərli hesab etməmişdir.

Bütün qeyd olunanları nəzərə alaraq aspartam tərkibli dietik içkilərin, qidaların limitli istifafə olunması məqsədəuyğundur".