1904-cü il iyulun 5-də alman əsilli amerikalı bioloq Ernst Mayr (1904-2005) anadan olub. Mayr elm tarixinə (xüsusən də biologiya tarixinə) və biologiya fəlsəfəsinə dair əsərlərin müəllifidir.

Ernst Valter Mayr quşların taksonomiyası, populyasiyası, genetikası və təkamül elmi sahəsindəki işi ilə tanınan alimdir.

Dünyanın qabaqcıl təkamülçü bioloqlarından biri hesab edilən Ernst Mayrı bəzən “XX əsrin Darvini” adlandırırdılar.

Bir növün populyasiyalarını ayırmaq və ya bölmək istiqamətində ilk araşdırmaları onu müasir sintetik nəzəriyyənin inkişafında liderlərdən birinə çevirdi.

Çarlz Darvin (təbii seçmə) və Qreqor Mendelin (genetika) işlərinin inteqrasiyası olan bu nəzəriyyə gen mutasiyası və rekombinasiyası, xromosomların strukturunda və funksiyasında dəyişikliklər, reproduktiv izolyasiya və təbii seçmənin bioloji proseslərini əhatə edir.

Ernst Mayr öz fikirlərini “Sistematika və növlərin mənşəyi” (1942) kitabda təqdim edib.

Aztibb.az