Hiperprolaktinemiya - prolaktin səviyyəsinin artması, endokrinologiyada ən çox görülən hipotalamo-hipofiz pozğunluğu hesab olunur. Prolaktin yüksəkliyi menstrual pozuntuların və hamiləliyin olmamasının ümumi səbəbidir, polikistik yumurtalıq sindromu olan xəstələrin 60% -ində rast gəlinir. Həmçinin oliqospermiya və ya impotensiya olan kişilərdə də müşahidə edilə bilər.

Aztibb.az xəbər verir ki, prolaktin fizioloji olaraq hamiləlik və laktasiya dövründə, eyni zamanda, cinsi əlaqə, fiziki aktivlik, yuxu və stres zamanı da yüksəlir.

Hamilə və laktasiya dövründə olmayan qadınlarda yüksək prolaktin simptomları :
-Süd vəzindən süd ifrazı (qalaktoreya )
-Süd vəzində ağrıların olması
-Qeyri-müntəzəm menstrual dövr
-Menstrual qanaxmanın intensivliyində dəyişiklik
-Menstrual dövr gecikməsi
-Cinsi istəksizlik
-Sonsuzluq
-Vaginal quruluq

Prolaktin səviyyəsindəki patoloji artımın səbəbləri :

-hipofizin mikro və makroadenoması va digər hipofiz xəstəlikləri
-hipotireoz
-xroniki böyrək çatışmazlığı
-xroniki qaraciyər çatışmazlığı
-bəzi dərman vasitələrinin əks təsiri
-döş qəfəsinin travması və ya hər hansı bir əməliyyatı
-uşaqlığın tez-tez küretajı və abort