Yuxu insan ömrünün 1/3-ni təşkil edən vacib bir ehtiyacdır. Yuxunun kifayət qədər olmaması orqanizmdə ciddi fəsadlara yol aça bilər. Lakin bəzən gecə yuxusunun normal olmasına baxmayaraq gün boyu da təkrar-təkrar yuxuya ehtiyac hiss ediriksə bu, hipersomniya adlanan yuxu pozuntusundan xəbər verə bilər.

Aztibb.az xəbər verir ki, "Səhhət" klinikasının nevroloqu Leyla Cəfərova bildirib ki, hipersomniyalı pasiyentlər nə qədər yatsalar da yuxudan doymaq, gümrahlıq hisslərini yaşaya bilmirlər.

Onun sözlərinə görə, hipersomniyanın ən çox rast gəlinən əlamətləri yuxu apnoyesi, kəllədaxili təzyiqin yuksəlməsi, depressiya, xroniki yorğunluq sindromu və s ola bilər. Hipersomniya insanın sosial, ailə, iş münasibətlərinə mənfi təsir edən, avtoqəzalara yol açan, həyat keyfiyyətinə ciddi təsir edən bir haldır:

"Sağlam həyat və sağlam yuxu üçün vaxtında həkimə müraciət edərək müayinə və müalicə olunun".