Xalq arasında sarılıq kimi tanınan Hepatit A, hepatit A virusu və ya HAV tərəfindən törədilən və insandan insana keçən ciddi qaraciyər xəstəliyidir.
Həkim bildirib ki, qeyri-gigiyenik şəraitdən ötürülən və çox yoluxucu xəstəlik olan Hepatit A-nın qarşısını ancaq peyvəndlə almaq mümkündür. Xəstəliyin sürətlə ötürülməsinin ilk səbəbi əlləri düzgün yumamaqdır. Hepatit B və ya Hepatit C-dən fərqli olaraq, xroniki #qaraciyər xəstəliyinə səbəb olmur. Bunun əksinə qaraciyəri zəiflədir və kəskin qaraciyər çatışmazlığına səbəb ola bilər:
"Bundan əlavə, kanalizasiya suları ilə qidaların təmas olunması və çiy və ya az bişmiş qidalar hepatit A virusunun yoluxma səbəbləri arasında yer almaqdadır. Qeyri adekvat təmizlənməmiş su da xəstəliyi yoluxmuş insandan yoluxmamış şəxsə ötürür".
Tofiq Əkbərov qeyd edib ki, xəstəlikdən qorunmanın əsas yolu peyvənd olsa da, digər yol əlləri düzgün yumaq, təzə tərəvəz və meyvələri təmiz su ilə yaxşıca yumaq və buna uyğun istehlak etmək lazımdır.
