Diabet həyatınızda, xüsusən də, yemək vərdişinizdə bəzi dəyişikliklər tələb edir. Qida qanda şəkərin səviyyəsini tənzimləyən əsas mənbədir və buna görə də sağlam qidalanma diabetdə müalicənin əsasını təşkil edir.
Aztibb.az xəbər verir ki, bu barədə həkim-endokrinoloq Fərhad Burzu bildirib.
Onun sözlərinə görə, şəkərli diabet xəstələri üçün vahid diabet pəhrizi yoxdur.
Həkim diabetin idarə olunmasında sağlam qida seçimləri etməyinizə kömək edəcək bəzi məsləhətlər də verib:
Yeməkdə duz istifadəsini azaldın;
Lifli qidalara üstünlük verin (mərci, lobya, brokoli, kivi, moruq və s.);
Faydalı yağlardan istifadə edin;
Ara atışdırmalarına sağlam qidaları seçin (qoz, fındıq, badam və s.);
Qırmızı və işlənmiş ət istifadəsini azaldın;
Faydalı karbohidrat mənbələrini seçin (çovdar çörəyi, yulaf, bulqur və s.).
"Diabetli xəstələr sağlam qidalanma, müntəzəm fiziki aktiv olmaq və çəkini normada saxlamaqla diabetini kontrolda saxlaya bilərlər", - deyə F.Burzu bildirib.
