Qan təzyiqi deyiləndə qanın damarların divarlarına etdiyi təzyiq nəzərdə tutulur. Hipertoniya qan təzyiqinin davamlı artmasıdır. Bu, həm müxtəlif xəstəliklərin əlaməti olaraq, həm də naməlum səbəblərdən yarana bilir.

 

Aztibb.az xəbər verir ki, bu barədə Mingəçevir Şəhər Mərkəzi Xəstəxanasının Acil bölməsinin həkimi Şəfəq Məmmədova bildirib.

 

Onun sözlərinə görə, arterial təzyiq "səssiz qatil" adlanır.

 

"Əzizlərinizə və yaxınlarınıza tez-tez qan təzyiqlərini ölçməli olduğunu xatırladın.  Diaqnozun erkən qoyulması, effektiv müalicə və hipertoniyaya uzunmüddətli nəzarət sağlamlıq vəziyyətinin yaxşılaşmasına imkan verir", - deyə Şəfəq Məmmədova əlavə edib.