Skolioz onurğanın öndən baxıldığında yanlara doğru əyriliyi, 3ölçülü deformasiyadır. Skolioz onurğanın ən çox görülən deformasiyasıdır. Etiologiyasında bir çox səbəb durmasına baxmayaraq heç bir səbəbə bağlana bilməyən əyriliklər idiopatik skolioz olaraq isimləndirilir.

 

Bu barədə Aztibb.az-a Nərimanov Tibb Mərkəzinin travmatoloq-ortopedi İlkin Əlizadə məlumat verib.

 

Onun sözlərinə görə, ən çox deformasiyalar döş fəqərələrində, daha az isə bel fəqərələri səviyyəsində rast gəlinir. Erkən yaşlarda skolioz valideynlər tərəfindən döş qəfəsində assimetriya, kürək sümüklərinin birinin digərindən daha öndə olması kimi şikayətlərlə ortoped-travmatoloqa müraciəti ilə aşkarlanır.

 

İlkin Əlizadə bildirib ki, skoliozda əyriliyin dərəcəsi Cobb bucağı ilə ölçülür. Cobb bucağı diaqnoz qoyarkən, təqib edərkən və müalicə seçiminə qərar verərkən yol göstərir:

 

"Skoliozun müalicəsi xəstənin yaşı və əyriliyin dərəcəsindən asılı olaraq təqib( vaxtaşırı rentgen kontrol), korset müalicəsi və cərrahi müalicədən ibarətdir".