Aztibb.az xəbər verir ki, bu tarix 2014-cü il dekabrın 18-də BMT-nin Baş Assambleyası tərəfindən təsis olunub. Beynəlxalq Albinizm haqqında Maarifləndirmə Günü 2015-ci ildən etibarən hər il qeyd edilir.

 

Xəstəliyin əsas simptomları çox açıq rəngli dəri və saçlar, mavi və ya qırmızımtıl rəngli gözlərdir. Bir sıra hallarda görmənin pozulması da baş verə bilər. Albinizmin diaqnostikası pasiyentin həqiqi statusu, həmçinin genetik müayinəyə əsaslanır. Patologiyanın spesifik müalicəsi bu günədək yoxdur, palliativ müalicədən (görmənin korreksiyası) istifadə olunur, həmçinin pasiyentə Günəşdən qorunmaqla bağlı bir sıra tövsiyələr verilir.

 

BMT-nin İnsan Hüquqları Şurası 2013-cü ildə dövlətləri albinizmdən əziyyət çəkənlərə qarşı ayrı-seçkiliyin bütün növlərini ləğv etmək üçün təsirli tədbirlər görməyə çağırıb.