ABŞ-da yaşayan 100 yaşlı həkim Hovard Taker "ən yaşlı həkim" tituluna sahibdir.
Aztibb.az-ın medimagazin.com.tr-yə istinadla xəbərinə görə, ABŞ-dan olan Hovard Taker "Ginnesin Rekordlar Kitabı"na düşüb və o, vəzifədə olan ən yaşlı həkim seçilib.
Doğulanda ABŞ-da orta ömür uzunluğunun kişilər üçün 58, qadınlar üçün isə 61 olduğunu bildirən nevroloq H.Taker həyat tərzi ilə bağlı bəzi qaydalar qoyduğunu söyləyib.
O, gündəlik həyatında etdiklərini belə izah edib:
"75 ildir işləyirəm. 65 yaşlı həyat yoldaşım Sara da 89 yaşında psixoanaliz və psixiatriya ilə məşğul olur. Pandemiya zamanı həftənin 5-6 günü xəstələri görürdüm. Həftədə üç gün feldşerlərə dərs deməyə davam edirəm. Sevdiyiniz bir işiniz varsa və hələ də işləyə bilirsinizsə, təqaüdə çıxmağı təxirə salın. Üzmə, qaçış, gəzinti və xizək sürmə insanı gec yaşa qədər güclü və sağlam saxlayır. 15 dəqiqəlik gəzinti vaxtından əvvəl ölüm riskini azalda bilər. Həyatımda siqaret çəkməmişəm. Hər gün olmasa da, sevdiyim yeməkləri yeyirəm".