Depressiya, özümüzü yorğun, tükənmiş və enerjisiz hiss etməyimizə səbəb ola bilər. Eyni zamanda, bu enerjisizlik halı yuxuya olan ehtiyacımızı da artıra bilər.

Ancaq bəzi insanlar depressiya səbəbilə həddindən artıq yuxu ehtiyacı hiss edir və buna görə tez-tez tənqid olunurlar.

Aztibb.az xəbər verir ki, psixoloq Cəmilə Rəhimli bəzi insanların niyə depressiyada ikən çox yatdığını və bunun əslində sağlam bir müdafiə mexanizmi olduğu izah edib: “Ümid edirəm, bu yazı depressiya ilə mübarizə aparan birilərinə faydalı olar və problem haqqında məlumatlılığımızın artmasına kömək edər”.

Depressiyadan əziyyət çəkən birinin çox yatmasının səbəbləri:

- Saatlarla düşünür, amma heç nə hiss etmirsən.

- Yatmaq əzab çəkməyə fasilə vermək kimi gəlir.

- Həyat oyanmaq istədiyiniz pis bir yuxu kimi gəlir.

- Zehni, emosional, fiziki və mənəvi cəhətdən tükənmiş hiss edirsiniz.

- Yatmaq sizi oyaq qalıb yenidən travma yaşamaqdan qoruyur

- Yaşamaq istəmirsiniz amma eyni zamanda ölmək də istəmirsiniz.

- Yuxuda olduğunuz vaxt özünüzü təhlükədən uzaq hiss etdiyiniz yeganə vaxtdır.

Yatmaq depressiyadan əziyyət çəkən bir insan üçün sağlıqlı bir mübarizə metodur. Qarşınızdakı insanın çəkdiyi əzabın şiddətini bilmirsinizsə, onu "çox yatır"- deyə tənqid etməyin.