Bu faza 1 sınağı yeni universal qripə (H1ssF-3928 mRNA-LNP) qarşı eksperimental peyvəndi təhlükəsizlik və onun immun reaksiya yaratmaq qabiliyyətini öyrənmək üçün sınaqdan keçirəcək.

Aztibb.az planet-today.ru-ya istinadən yazır ki, ABŞ-ın Milli Allergiya və Yoluxucu Xəstəliklər İnstitutunun (NIAID) Peyvənd Tədqiqat Mərkəzinin (VRC) tədqiqatına 18-49 yaş arası 50-yə qədər sağlam könüllü cəlb olunacaq. Tədqiqat iştirakçılarının üç qrupu (hər biri 10 nəfər) müvafiq olaraq 10, 25 və 50 mikroqram eksperimental vaksinlə peyvənd olunacaq.

Tədqiqata cari dördvalentli mövsümi qrip peyvəndini alacaq bir qrup iştirakçı da daxil olacaq. Bu, tədqiqatçılara peyvənd namizədinin immunogenliyi və təhlükəsizliyi ilə mövcud mövsümi qrip vaksinləri arasında birbaşa müqayisə aparmağa imkan verəcək.

Peyvənddən sonra bir il ərzində vaksinin təhlükəsizliyini (və ikinci növbədə onun effektivliyini) qiymətləndirmək üçün iştirakçılar mütəmadi olaraq monitorinq olunacaqlar.