Azərbaycan Respublikasında 2023-cü ilin "Heydər Əliyev İli" elan edilməsi haqqında Azərbaycan Respublikası Prezidentinin 29 sentyabr 2022-ci il tarixli sərəncamına əsasən tərtib edilmiş Tədbirlər Planına uyğun olaraq Xaçmaz Rayon Mərkəzi Xəstəxanasının təşkilatçılığı ilə ətraf kəndlərin sakinləri üçün səyyar tibbi müayinələr təşkil olunur.

Xəstəxanadan Aztibb.az-a bildirilib ki, ilk səyyar tibbi müayinə aksiyası Nabran Həkim məntəqəsində baş tutub.

Aksiya çərçivəsində tibb müəssisəsinin müxtəlif ixtisaslı (oftalmoloq, terapevt, pediatr, nevroloq, pediatr, otorolorinqoloq və s.) həkimləri tərəfindən 45 nəfər müayinələrdən keçirilib, onlara ümumilikdə 65 tibbi xidmət göstərilib.

Tibbi göstəriş əsasinda müraciət edən vətəndaşlardan laborator analizlər götürülüb, nəticəyə uyğun olaraq onlar müalicəyə cəlb olunublar.

Səyyar tibbi müayinə aksiyaları digər ətraf kəndlərdə də davam etdiriləcək.