Yeni bir araşdırma, ağcaqanadların tüpürcəyinin insan toxunulmazlığını denge qızdırmasına qarşı həssas edərək xəstəliyin ötürülməsini asanlaşdıra biləcəyini ortaya qoyub.

Aztibb.az-ın medimagazin.com.tr-yə istinadla məlumatına görə, "PLOS Pathogens" jurnalında dərc olunan araşdırmada mütəxəssislər denge qızdırması virusunu daşıyan "Aedes aegypti" ağcaqanadlarının tüpürcəklərini araşdırıblar.

Tədqiqatçılar immuniteti aşağı sala bilən "sfRNA"nın molekulyar tərkibini aşkarladıqları ağcaqanad tüpürcəyinin orqanizmi denge qızdırmasına qarşı həssas edərək xəstəliyin ötürülməsini asanlaşdıra biləcəyini müəyyənləşdiriblər.

ABŞ-ın Virciniya Universitetinin Mikrobiologiya, İmmunologiya və Xərçəng Biologiyası Departamentinin rəhbəri Mariano Garcia-Blanco, "Bu tip viruslar çox ağıllıdır, toxunulmazlığımızı boğur, infeksiyanın bədəndə yayılmasına imkan verir", deyib.

Mütəxəssislər yoluxmanı azaltmağa və xəstəliyin yayılmasına nəzarət etməyə kömək etmək üçün yeni yollar axtararkən, hazırda denge xəstəliyinə tutulmamağın ən yaxşı yolunun dişləmədən qaçınmaq olduğunu bildiriblər.

Ümumdünya Səhiyyə Təşkilatının (ÜST) məlumatına görə, hər il təxminən 400 milyon insan denge qızdırmasına tutulur.