Mütəxəssislər insanların həftədə ən azı bir dəfə şəkərli içki içməli olduqlarını, əks halda infarktdan xərçəngə qədər bir çox sağlamlıq problemi ilə üzləşəcəklərini vurğulayıblar.

Aztibb.az-ın medimagazin.com.tr-yə istinadla xəbərinə görə, ABŞ və Çin alimləri əlavə şəkərlər üzərində apardıqları araşdırmada şəkərin həddindən artıq istehlakının 45 müxtəlif sağlamlıq vəziyyəti ilə əlaqəli olduğunu aşkar ediblər.

Qazlı içkilər və meyvə şirələri kimi şəkərli içkilərdən zövq alanların xüsusi risk altında ola biləcəyini vurğulayan mütəxəssislər insanları şəkərlə bağlı tövsiyələrə əməl etməyə çağırıblar.

ÜST-nin 6 çay qaşığı şəkər tövsiyəsi 45 q şokolad çubuğuna və ya iki stəkan 150 ml şirəyə bərabərdir.

Tədqiqatçılar böyüklər və uşaqlarda 83 sağlamlıq nəticəsini əhatə edən 8601 məqaləni təhlil ediblər. Nəticədə şəkərlə şirinləşdirilmiş içkilərin istehlakının bədən çəkisinin artması ilə əhəmiyyətli dərəcədə əlaqəli olduğu aşkarlanıb.

Bildirilib ki, həddindən artıq şəkər istehlakı yüksək qan təzyiqi, infarkt və insult kimi on ürək-damar problemi, həmçinin döş, prostat və mədəaltı vəzi xərçəngi də daxil olmaqla yeddi növ xərçənglə sıx şəkildə bağlıdır.