Mütəxəssislər insanların şirniyyata meyilliyinin səbəbini araşdırıb.

Aztibb.az Meddaily.ru-ya istinadən xəbər verir ki, nevroloqlar insanın nə qədər şəkər istehlak etdiyini və şirniyyatlara olan istəyini idarə edən xüsusi beyin hüceyrələri tapıblar. Bu hüceyrələr FGF21 hormonu işlədiyi yerdə yerləşir.

Bədəndə fibroblast böyümə faktoru 21 (FGF21) enerji balansında, bədən çəkisini idarə etməkdə və insulinə həssaslıqda mühüm rol oynayır.

FGF21 glutamatergik neyronlara təsir göstərərək, hipotalamusun ventromedial nüvəsində neyronların qlükoza həssaslığını artıraraq şəkər istehlakını azaldır.

FGF21-in dəyişdirilmiş formasına əsaslanan bir neçə dərman artıq piylənmə və şəkərli diabetin müalicəsi üçün sınaqdan keçirilir.