Həkimlər hamilə qadınlara səs-küylü mühitdə olmağı qadağan edir.

Aztibb.az Meddaily.ru-ya istinadən xəbər verir ki, bu barədə Lehigh Universiteti və Lafayette Kollecindən olan  mütəxəssislər 2004-2016-ci illərdə düyaya gələn uşaqlar arasında araşdırma aparıb.

Məlum olub ki, yüksək səs-küy dölün intrauterin inkişafına mənfi təsir göstərir.

Belə ki, səs-küy səviyyəsinin əhəmiyyətli dərəcədə yüksək olduğu bölgələrdə yaşayan qadınların körpələrinin çəki azlığı ilə dünyaya gəlmə riski 22% daha çoxdur. Nəqliyyat yolları və ya hava limanları yaxınlığında yaşayan anaların dünyaya gələn körpələrində bu hal daha çox müşahidə edilib.

2018-ci ildə aparılan araşdırma nəticəsində isə səs-küyün insan beynində stresə reaksiya verən hissəni aktivləşdirdiyi məlum olmuşdu. Bu da damarlarda iltihabın artmasına səbəb ola bilir.

Qeyd edək ki, səs-küy gərginlik yaradır, eşitməni zəiflədir, infarkt və insult riskini artırır.