Aparılan araşdırma nəticəsində məlum olub ki, yolda yaranan səs-küy hipertoniyaya səbəb ola bilər.

Bu barədə Aztibb.az medimagazin.com.tr-yə istinadən xəbər  verir.

Nəticələri “Journal of American College of Cardiology”də dərc edilən araşdırmaya görə, alimlər tıxac səs-küyü ilə hipertoniya arasındakı əlaqəni araşdırıblar.

İngiltərədəki Biobank adlı biotibbi verilənlər bazasından əldə edilən məlumatların işləndiyi tədqiqatda, Ümumi Səs-küyün Qiymətləndirilməsi Metodundan və məlumatları araşdırılan insanların məskunlaşma yerlərindən istifadə edilib.

Hipertoniya şikayəti olmayan 40-69 yaş arası 246 min 447 adamın məlumatlarının 8 ildən çox izlənildiyi araşdırmada, sıx və səs-küyə yaxın yerlərdə yaşayanlarda hipertoniya ehtimalının artdığı qənaətinə gəlinib.

Tədqiqat zamanı müəyyən edilib ki, yol hərəkəti səs-küyünə məruz qalma birincil hipertoniya riskini artıra bilir və səs-küyün dozası artdıqca xəstəlik riski də artır.

Digər tərəfdən, tədqiqatçılar həm tıxac səs-küyünə, həm də hava çirkliliyinə məruz qalanların yüksək təzyiqdən əziyyət çəkmə ehtimalının daha çox olduğuna diqqət çəkiblər.