Kardiologiya sahəsində dünya lideri olan fransız əczaçılıq şirkəti "Servier Group" və tənəffüs müalicəsi üçün rəqəmsal qan təzyiqi monitorları və nebulizerlər istehsal edən qlobal brend olan "OMRON Healthcare" ürək-damar xəstəlikləri ilə daha effektiv mübarizə aparmaq üçün strateji əmkdaşlığa başlayıb.

Aztibb.az-ın medimagazin.com.tr-yə istinadla xəbərinə görə, şirkətlər birgə əməkdaşlığa dair müqavilə imzalayıblar.

Sənədə əsasən şirkətlər tibb və texnologiya sahəsində qüvvələri birləşdirərək hipertoniya və digər ürək-damar xəstəliklərinin identifikasiyası, idarə edilməsi və uzunmüddətli nəzarətini təkmilləşdirəcək yenilikləri inkişaf etdirməyi hədəfləyir.