Mərkəzi Klinikada böyrək çatışmazlığından əziyyət çəkən xəstənin 4 il əvvəl planlaşdırılan böyrək transplantasiyası bugünlərdə həyata keçirilib.

Aztibb.az-a bu barədə Mərkəzi Klinikadan məlumat verilib.

Böyrək nəqlinin gecikməsinə səbəb xəstənin bacısı olan donorun başqa ölkədə yaşaması və müəyyən səbəblərdən gələ bilməməsi olub.

Məcburən həyatına dializlə davam edən xəstə öz sağlamlığına 3 gün öncə yeni köçürülən böyrəklə qovuşub. Əməliyyatı ümumi cərrah, transplantoloq Tariyel Nadirov icra edib.

“Köçürülən böyrək tam normal çalışır. Donoru bugün evə göndərdik, xəstəni isə bir neçə gün sonra göndərməyi planlanladıq”, – həkim bildirib .