Ümumdünya Səhiyyə Təşkilatı (ÜST) bir çox xəstəliklərə səbəb olan həddindən artıq natrium qəbulunun azaldılmasının həyat qurtarıcı təsir göstərdiyini bildirib.

Aztibb.az-ın medimagazin.com.tr-yə istinadla xəbərinə görə, ÜST ilk dəfə olaraq natrium istehlakının azaldılması ilə bağlı qlobal hesabat dərc edib.

Hesabatda qeyd olunub ki, dünya 2025-ci ilə qədər natrium qəbulunu qlobal miqyasda 30 faiz azaltmaq məqsədindən uzaqlaşır.

Əhəmiyyətli bir qida maddəsi olan natrium həddindən artıq istehlak edildikdə ürək xəstəliyi, insult və vaxtından əvvəl ölüm riskini artırır.

Natriumun əsas mənbəyi süfrə duzu (natrium xlorid) olsa da, natrium glutamat kimi digər ləzzətlər bunlar arasındadır.

ÜST-yə üzv ölkələrin yalnız 5 faizi natriumun icbari və hərtərəfli azaldılması siyasəti ilə qorunduğu halda, üzv ölkələrin 73 faizi bu cür siyasəti tam həyata keçirmir.

Qlobal orta duz qəbulu gündə 10,8 qram olaraq qiymətləndirilir ki, bu da ÜST-nin tövsiyə etdiyi gündə 5 qramdan (bir çay qaşığı) iki dəfə çoxdur.

Effektiv natriumun azaldılması siyasəti ilə 2030-cu ilə qədər dünyada təxminən 7 milyon insanın həyatını xilas etmək olar. Lakin bu gün yalnız Braziliya, Çili, Çexiya, Litva, Malayziya, Meksika, Səudiyyə Ərəbistanı, İspaniya və Uruqvay natrium istifadəsini azaltmaq üçün tövsiyə olunan siyasətləri həyata keçirir.