Limfodrenaj metabolik prosesləri yaxşılaşdırmağa, ödemi, gərginliyi aradan qaldırmağa, limfanın bədəndə sərbəst hərəkətini normaya salmağa və limfa mayesinin dövranını bərpa etməyə yönəlmiş bir terapevtik prosedurdur.

 

Aztibb.az xəbər verir ki, bu barədə "Səhhət" klinikasının fizioterapevti Natavan Xanmirzəyeva məlumat verib.

 

Onun sözlərinə görə, limfodrenaj proseduru - limfa axınının normallaşdırılması və gücləndirilməsi üçün nəzərdə tutulub. Bu prosedur bədənin müxtəlif hissələrini təzyiq altında sıxıb açan hava dalğasıdır. Onun köməyi ilə limfatik və venoz qan dövranını gücləndirmək, əzələləri canlandırmaq, yığılmış toksinləri, yağların parçalanma məhsullarını aradan qaldırmaq, durğun mayeni orqanizmdən uzaqlaşdırmaq mümkündür.

 

Natavan Xanmirzəyeva qeyd edib ki, bu prosedur bir çox problemlərin həllində əvəzedilməz metoddur. Limfopressiyanın əsas məqsədi limfatik düyünlərə və damarlara təsir etmək yolu ilə durğun limfanı hərəkətə gətirməkdən ibarətdir. Bu prosedur varikozun inkişaf riskini azaltmağa imkan verir.

 

"Limfodrenaj bağırsaqların da fəaliyyətinə yaxşı təsir edir, qəbizliyi aradan qaldırır. Limfodrenaj, həmçinin bədənin gözəl formada saxlanması məqsədilə kosmetik müalicə proseduru kimi də tətbiq edilir.